मतदाता सूची म गड़बड़ी करइया अफसर मन ल सजा

बिलासपुर। मतदाता सूची म नाम जोड़े या फेर विलोपित करे के शिकायत ल धियान म रखत हुए राज्य सासन ह अब कड़ाई बरतना सुरू कर दे हे। अब गड़बड़ी करइया अफसर मन ल जुर्माना के संग ही दू बछर के सजा घलो भुगतना पड़ही । राज्य सासन ह ये ला प्रभावी बनाय बर एक्ट म संशोधन कर दे हे।
आयोग ह स्वतंत्र व निष्पक्ष चुनाव कराय के उद्देश्य ले अब अपन तइयारी सुरू कर दीस हे। प्रथम चरण म नगरीय निकाय बर बनत मतदाता सूची म फोकस करे हे। दोषी अधिकारी मन के खिलाफ जुर्माना घलो ठोंके जाही। येकर संग सजा घलो भुगतना होही। सजा बर तीन महीना लेके दू बछर के अधिकतम अवधि तय कर गेहे।