वन विभाग ह इमारती सागौन ल करे हे बरामद , आरोपी पकड़ ले बाहर

जय जोहार…. छुरा वन परिक्षेत्र ले वन विभाग के अमला ह सर्चिंग के दौरान एक इमारती सागौन ल बरामद करे हे। जबकि मामले के आरोपी वन अमला ल चकमा दे के भागने म सफल हो गे हे।
मिले जानकारी के अनसुार सनिच्चर के दरमियानी रात के वन विभाग के अमला ह टीम बना के सर्चिंग म निकले रिहिष ए दौरान छुरा कस्बा क्षेत्र के प्राचीन राजा तालाब के पास कुछु अज्ञात व्यक्ति मन के तरफ ले एक इमारती सागौन के गोला ल नदी के पास काट के ले जावत रिहिस।

ए सागौन ल ले जवइया अज्ञात व्यक्ति मन ल घेराबन्दी कर के वन रक्षक देवराम साहू, पुरुषोत्तम ध्रुर्वा, छमेश्वर साहू, लीलाम्बर सिंह ध्रुव, नरसिंह साहू, शेखर साहू अउ अशोक यादव ह पकड़े के प्रयास करिन, लेकिन अज्ञात लोगन मन ह सौगान ल तालाब म फेंक के फरार हो गे।