जय जोहार…. (Raipur) वन अऊ जलवायु परिवर्तन मंत्री मोहम्मद अकबर ह आज रायपुर के अपन निवास कार्यालय म छत्तीसगढ़ हर्बस ब्रांड नाव ले हर्बल उत्पाद के प्रचार-प्रसार अऊ बेचे बर मोबाइल वेन ल हरी झंडी दिखा के रवाना करिन। ए वेन म छत्तीसगढ़ राज्य लघु वनोपज संघ के तरफ ले निर्मित 100 प्रकार के हर्बल उत्पाद ह विक्रय बर उपलब्ध रही।
प्रदेश के वन मंत्री मोहम्मद अकबर के मार्गदर्शन अऊ निर्देश के अनुसार रायपुर (Raipur) शहर के लोगन मन ल हर्बल उत्पाद खरीदे के सुविधा उपलब्ध कराय के उद्देश्य ले ए मोबाइल वेन के संचालन करे जावत हे। ए मोबाइल वेन के माध्यम ले फरवरी महिना म तय दिन म बिहनिया 11 बजे ले रात 9 बजे तक रायपुर शहर के अलग-अलग स्थान म हर्बल उत्पाद के विक्रय करे जाही।
(Raipur) ए अवसर म प्रधान मुख्य संरक्षक अऊ वन बल प्रमुख राकेश चतुर्वेदी, प्रबंध संचालक राज्य लघु वनोपज संघ संजय शुक्ला, सचिव वन प्रेम कुमार, अपर प्रबंध संचालक एस.एस. बजाज अऊ वनमण्डाधिकारी के.आर. बढ़ई घलो उपस्थित रिहिन।
