chhattisgarh : वनोपज सहकारी समिति प्रबंधक संघ ह पारिश्रमिक म वृद्धि बर मुख्यमंत्री ल दीन धन्यवाद

जय जोहार । (chhattisgarh) मुख्यमंत्री भूपेश बघेल ले आज ओखर निवास कार्यालय म प्राथमिक लघु वनोपज सहकारी समिति के प्रबंधक संघ के प्रतिनिधि मंडल ह सौजन्य मुलाकात करीन। वो हा प्राथमिक लघु वनोपज सहकारी समिति के प्रबंधक के मासिक पारिश्रमिक 12 हजार 500 रुपिया ले बढ़ाके 20 हजार रुपिया मासिक करे म मुख्यमंत्री श्री बघेल के प्रति आभार प्रकट करीन। कृषि मंत्री रविन्द्र चौबे, छत्तीसगढ़ पर्यटन मंडल के अध्यक्ष अटल श्रीवास्तव घलो ए अवसर म उपस्थित रिहीन।

प्राथमिक लघु वनोपज सहकारी समिति प्रबंधक संघ के प्रांताध्यक्ष विनोद सिन्हा, महासचिव संतोष तिवारी समेत संघ के कई पदाधिकारी अउ सदस्य ए अवसर म उपस्थित रिहीन । (chhattisgarh) प्रबंधक संघ के प्रांताध्यक्ष विनोद सिन्हा ह किहीन कि पिछले 6-7 बछर म प्रबंधक के पारिश्रमिक म एक रुपिया के घलो वृद्धि नई होय रिहीस। मुख्यमंत्री श्री बघेल ह हमर मन के मांग म निर्णय लेके प्रबन्धक के मासिक पारिश्रमिक 12 हजार 500 रुपिया ले बढ़ाके 20 हजार रुपिया कर देहे , एखर बर हमन सबो मुख्यमंत्री के प्रति हमेशा आभारी रही ।