जय जोहार…. (Chhattisgarh) पूर्व मुख्यमंत्री डॉ. रमन सिंह ह सीएम भूपेश बघेल ल पत्र लिखे हे। ए पत्र म पूर्व सीएम डॉ. सिंह ह मेडिकल दुकान संचालक अउ ओखर कर्मचारी मन ल फ्रंट लाइन वर्कर घोसित करे जाए के मांग करे हे।
पूर्व सीएम डॉ. सिंह ह पत्र म लिखे हे कि (Chhattisgarh) कोरोना आपदा काल म चिन्हांकित फ्रंट लाइन वर्कर मन के आलावा ए लड़ाई म मेडिकल दुकान संचालक अउ ओखर कर्मचारी मन के भूमिका घलो महत्वपूर्ण रहे हे। मेडिकल दुकान संचालक अउ ओखर कर्मचारी मन ह अपन जान ल जोखिम म डाल के मनखे मन बर दवा ल उपलब्ध करात हे।
विपरीत परिस्थिति म मेडिकल दुकान संचालक अउ ओखर कर्मचारी मन ह अपन कर्तव्य के निर्वहन करत हे। ए कठिन बेरा म कतको मेडिकल दुकान संचालक अउ ओखर कर्मचारी मन ल कोरोना संक्रमण होये हे। अत: (Chhattisgarh) राज्य के मेडिकल दुकान संचालक अउ ओखर कर्मचारी मन ल फ्रंट लाइन वर्कर मानत हुये ओखर परिजन मन ल कोविड टीकाकरण म प्राथमिकता दे बर संबंधित ल निर्देशित करे के मांग करे हे।
No Comment! Be the first one.