जय जोहार…. प्रदेश म सोमवार के कोरोना (Corona) के 11867 नवा मामला के पहचान होय हे। उहचे 12376 मरीज मन बने होय के बाद अस्पताल ले छुट्टी दे दे गे हे। जबकि इलाज के दौरान 172 मरीज मन के मौत हो गे हे।
आज कोरोना (Corona) के जेन नवा मामला मिले हे, ओमा जांजगीर-चांपा ले 927, रायपुर ले 871, रायगढ़ ले 821, कोरबा ले 815, बलौदाबाजार ले 694, सूरजपुर ले 690, दुर्ग ले 674, कोरिया ले 618, जशपुर ले 607, बलरामपुर ले 561, सरगुजा ले 535, बिलासपुर ले 531, मुंगेली ले 515, महासमुंद ले 354, कबीरधाम ले 296 राजनांदगांव ले 294, बालोद ले 264, गौरेला-पेंड्रा-मरवाही ले 260, धमतरी ले 229, कोंडागांव ले 180, बेमेतरा ले 178, गरियाबंद ले 168, बस्तर ले 130, दंतेवाड़ा ले 90, सुकमा ले 52, नारायणपुर ले 35, बीजापुर ले 30 मरीज सामिल हे।
बता देन कि प्रदेश म कोरोना (Corona) संक्रमित मन के संख्या ह 8 लाख 63 हजार 343 हो गे हे। जेमा ले 1 लाख 25 हजार 104 एक्टिव मामला हे। उहचे 7 लाख 27 हजार 497 मरीज मन ह कोरोना ले जंग जीत गे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले प्रदेश म अब तक 10742 मरीज मन के जान चले गे हे।
