जय जोहार। छत्तीसगढ़ म महिला अउ लईका मन म कुपोसण अउ एनीमिया के स्थिति ल दूर करे के मद्देनजर मुख्यमंत्री भूपेश बघेल के पहल म प्रदेस के सबो जिला म सासकीय उचित मूल्य दुकान के माध्यम ले प्राथमिकता, अन्त्योदय, एकल निराश्रित, निःशक्जन, श्रेणी के रासन कार्ड धारी परिवार ल 1 अप्रैल ले सामान्य चावल के स्थान म फोर्टिफाइड चावल के वितरण करे जावत हे ।
गौरतलब हे कि राज्य सरकार ह सार्वभौम पीडीएस के तहत खाद्यान्न सुरक्षा के संगेसंग पोसण सुरक्षा सुनिश्चित करे, एनीमिया अउ अन्य पोसक तत्व के कमी ल दूर करे ल नवम्बर 2020 ले कोण्डागांव जिला म पायलेट बेसिस म फोर्टिफाइड चावल के वितरण प्रारंभ करे रिहीस । एखर बाद राज्य के 10 आकांक्षी जिला (कोरबा, राजनांदगांव, महासमुंद, कांकेर, नारायणपुर, दंतेवाडा, बीजोपुर, बस्तर, कोण्डागांव, सुकमा) अउ 2 हाई बर्डन जिला (कबीरधाम अउ रायगढ़) म फोटिफाइड चावल के घलो वितरण करे गीस। वर्तमान म मध्यान्ह भोजन योजना अउ पूरक पोसण आहार योजना के संग ही सार्वजनिक वितरण प्रणाली के अंतर्गत रासन कार्ड म प्रदेस के सबो जिला म फोर्टिफाइड चावल के वितरण करे जावत हे।
फोर्टिफाइड चावल ह पोसक अउ स्वास्थ्यवर्धक हे । ये आयरन, फोलिक एसिड, विटामिन बी-12 ले युक्त होत हे । एमा मौजूद आयरन, फोलिक एसिड, विटामिन बी-12 जइसे पोसक तत्व बड़े अउ लईका मन म खून के कमी नई होए देत हे अउ खून निर्माण-तंत्रिका तंत्र के सही ढंग ले काम म सहायक होत हे ।
No Comment! Be the first one.