चालीस दिन बाद शराब प्रेमी मन बर खुलिस मदिरा दुकान के शटर, लगिस लंबी कतार
जय जोहार…. लॉकडाउन पार्ट-तीन म छूट के संगेसंग कई गतिविधि मन ल इजाजत मिले हे। चालीस दिन बाद बिहिनिया आठ बजे ले दोपहर तीन बजे तक शराब दुकान ल घलो सोशल डिस्टेंसिंग के शर्त के संग खोले के अनुमति ह मिले हे।
जेखर बाद राजधानी रायपुर के अलग-अलग इलाका म शराब प्रेमी ह मदिरा दुकान के सामने पहुंच गे हे। ए दुकान म भीड़ ल नियंत्रित अऊ सोशल डिस्टेंसिंग के पालन कराय बर पुलिस कर्मी मन ल घलो तैनात करे गे हे। शराब दुकान म मदिरा प्रेमी मन ह पंक्तिबद्ध खड़े हो के अपन पारी के इंतजार करत रहिस।
