Chhattisgarh: राजीव गांधी जयंती म 20 अगस्त के 22 जिला कांग्रेस कार्यालय के एक संग होही शिलान्यास
जय जोहार…. पूर्व प्रधानमंत्री राजीव गांधी के जयंती म 20 अगस्त के प्रदेश (chhattisgarh) के 22 जिला म कांग्रेस भवन के एक संग शिलान्यास कार्यक्रम होही।
ए कार्यक्रम म कांग्रेस अध्यक्ष सोनिया गांधी, वरिष्ठ कांग्रेस नेता राहुल गांधी, प्रदेश प्रभारी पीएल पुनिया, प्रभारी सचिव डॉ. चंदन यादव, मुख्यमंत्री भूपेश बघेल अउ प्रदेश अध्यक्ष मोहन मरकाम ह उपस्थित रही।
(chhattisgarh) कांग्रेस प्रदेश प्रभारी पीएल पुनिया ह वेब मीडिया ले 22 जिला कांग्रेस भवन के शिलान्यास के तैयारी ल ले के आज कार्यकारिणी अउ जिला अध्यक्ष मन के बइठक ले हे।
(chhattisgarh) प्रदेश प्रभारी पुनिया ह कहिन कि 20 अगस्त ले सुरु कर के सबो जिला म 20 अगस्त 2021 तक जिला कांग्रेस कार्यालय राजीव भवन के निर्माण पूर्ण करे के लक्ष्य रखे गे हे। ए दौरान पुनिया ह जिला कार्यकारिणी गठन अउ ब्लाक अध्यक्ष के नियुक्ति म बइठक म मार्गदर्शन दे हे।
ए बइठक म प्रभारी सचिव चंदन यादव, प्रदेश कांग्रेस अध्यक्ष मोहन मरकाम के संगेसंग प्रदेश कांग्रेस कमेटी के कोषाध्यक्ष रामगोपाल अग्रवाल, उपाध्यक्ष गिरीश देवांगन, संचार विभाग के अध्यक्ष शैलेश नितिन त्रिवेदी, महामंत्री कार्यालय अउ प्रशासन रवि घोष, महामंत्री संगठन चंद्रशेखर शुक्ला, प्रदेश कांग्रेस के उपाध्यक्ष, महामंत्री, कार्यकारणी सदस्य, जिले के प्रभारी तथा सभी जिला कांग्रेस अध्यक्ष उपस्थित रिहिस।
