जय जोहार । केन्द्रीय स्वास्थ्य अउ परिवार कल्याण मंत्रालय ह छत्तीसगढ़ (chhattisgarh) के चार ठीन अउ सरकारी अस्पताल ल राष्ट्रीय गुणवत्ता आश्वासन मानक प्रमाण-पत्र (National Quality Assurance Standard Certificate) प्रदान करे हे है। एमा धमतरी जिला के दू, दुर्ग अउ रायगढ़ के एक-एक अस्पताल सामिल हे। केन्द्रीय स्वास्थ्य मंत्रालय ह धमतरी जिला के गेदरा अउ गाड़ाडीह हेल्थ एंड वेलनेस सेंटर (HWC) उप स्वास्थ्य केन्द्र, दुर्ग के अहेरी हेल्थ एंड वेलनेस सेंटर उप स्वास्थ्य केन्द्र अउ रायगढ़ के रामभाटा शहरी प्राथमिक स्वास्थ्य केंद्र ल एनक्यूएएस प्रमाण-पत्र जारी करे हे ।
भारत सरकार के टीम डहार ले अस्पताल के विभिन्न मानक म मूल्यांकन म गाड़ाडीह उप स्वास्थ्य केंद्र ल 94 प्रतिशत, गेदरा उप स्वास्थ्य केंद्र अउ रामभाटा शहरी प्राथमिक स्वास्थ्य केंद्र ल 90-90 प्रतिशत अउ अहेरी उप स्वास्थ्य केंद्र ल 87 प्रतिशत अंक मिले हे ।
अब तक प्रदेस के कुल 61 अस्पताल ल राष्ट्रीय गुणवत्ता आश्वासन मानक प्रमाण-पत्र प्रदान करे जा चुके हे । एमा दस जिला अस्पताल, सात सामुदायिक स्वास्थ्य केंद्र, 26 प्राथमिक स्वास्थ्य केंद्र, 13 शहरी प्राथमिक स्वास्थ्य केंद्र अउ पांच उप स्वास्थ्य केंद्र सामिल हे।
