वीआईपी मोबाइल नंबर ले के चक्कर म ठगा गे सवा 2 लाख रूपिया

रायपुर। राजधानी म एक अज्ञात आरोपी ह वीआईपी मोबाइल नंबर देवाहूं किहिके एक झन ले सवा दू लाख रूपिया ठग लिस। मौदहापारा पुलिस ह आरोपी के खिलाफ धारा 240 के तहत अपराध दर्ज कर जांच म जुटे हे।

देवेन्द्र नगर के रहईया प्रार्थी पीयूष चौहान ह मौदहापारा थाना म शिकायत करे हाबय कि 15 जुलई के एक झन अज्ञात आरोपी ह ओखर बॉस पवन पिंजा ल वीआईपी मोबाइल नंबर देवाहूं कहिके फोन करे रिहिस। जेकर झांसा म आके पवन ह 2 लाख 22 हजार 222 रूपिया ल वो अज्ञात आरोपी के बताए बैंक खाता म जमा करवा दिस। पईसा के जमा होय के बाद आरोपी ह ना सिम दिस अउ ना रूपिया ल लौटाईस हे।