chhattisgarh : किडनी रोग ले पीड़ित ल मिलही राहत, 12 अउ जिला अस्पताल म सुरू होही मुफत डायलिसिस सुविधा

जय जोहार । (chhattisgarh) प्रदेस के 12 अउ जिला अस्पताल म जल्दीच मुफत डायलिसिस के सुविधा ल सुरू करे जाही। राष्ट्रीय मुफत डायलिसिस कारीकरम ‘जीवन धारा’ के तहत रायपुर, गरियाबंद, जगदलपुर, जांजगीर, राजनांदगांव, सूरजपुर, कोरिया, कबीरधाम, धमतरी, मुंगेली, बलौदाबाजार अउ बालोद जिला चिकित्सालय म 54 डायलिसिस मशीन के स्थापना के काम लगभग पूरा कर ले गेहे । ए अस्पताल म डायलिसिस के सुविधा सुरू होय ले दूरस्थ अंचल के किडनी रोगी ल घलो स्थानीय स्तर पर मुफत डायलिसिस के सुविधा मिले ल लगही । अभी प्रदेस के आठ ठीन जिला म ये सुविधा ल प्रदान करे जात हे ।

स्वास्थ्य मंत्री टी.एस. सिंहदेव के नेतृत्व म (chhattisgarh) प्रदेस के दूरस्थ क्षेत्र के अस्पताल म घलो चिकित्सा सेवा के विस्तार करे जात हे । जशपुर, कांकेर, अंबिकापुर, कोरबा अउ बीजापुर जइसे सुदूर क्षेत्र म पहला चरण म मुफत डायलिसिस सुविधा के सुरुवात के बाद अब दुसरइया चरण म गरियाबंद, जगदलपुर, सूरजपुर, कोरिया अउ कबीरधाम जिला म घलो एला सुरू करे के तैयारी हे ।

प्रदेस के 12 अउ जिला अस्पताल म डायलिसिस सुविधा बर राष्ट्रीय स्वास्थ्य मिसन, छत्तीसगढ़ (chhattisgarh) डहार ले रायपुर में दस, गरियाबंद, जगदलपुर, जांजगीर अउ राजनांदगांव म पांच-पांच, सूरजपुर, कोरिया, कवर्धा अउ धमतरी म चार-चार, मुंगेली अउ बालोद में तीन-तीन अउ बलौदाबाजार म दो डायलिसिस मशीन लगाय जात हे । रायपुर, गरियाबंद अउ जगदलपुर म डायलिसिस यूनिट्स के स्थापना के काम पूरा कर ले गेहे । ए तीन जिला अस्पतालों म बहुत जल्द ये सुविधा ल सुरू कर ले जाही।