Chhattisgarh: सीएम भूपेश के बड़का निर्णय, प्रदेश भर म बांटे जाही मुफ्त दवाई

जय जोहार। (Chhattisgarh) सीएम भूपेश के समीक्षा बइठक म आज बड़का फइसला ले गिस। अब प्रदेश म फेर ले लॉकडाउन लागू नई करे जाही। प्रदेश भर म मुफ्त दवाई बाटें जाही। ये दवाई ल संक्रमित के संपर्क म अवइया लोगन मन ल दे जाही।

ए बइठक म बेड के स्थिति के समीक्षा करे गिस। अस्पताल म बेड के जानकाली ल घलो सार्वजनिक करे जाही, जेखर ले मरीज मन ल भटके ले न पड़े। (Chhattisgarh) कोरोना के उपचार म लगे डॉक्टर ह दिन म दू बार मरीज मनके जांच करही। जेखर ले मरीज मन के स्थिति के सही आंकलन हो पाही। उहचे कोरोना ले होय वाला मौत अऊ आन बीमारी ले होय वाला मौत के जानकारी अलग-अलग दे के फइसला करे गे हे।

सात सितंबर ले (Chhattisgarh) आंगनबाड़ी केंद्र ल खोले के आखिरी निर्णय जिला के कलेक्टर ह लेही। कलेक्टर ह अपन जिला के स्थिति के अनुसार फइसला ले बर स्वतंत्र हे। सबो केंद्र ल खोले जाय के बाध्यता नई हे। अब ले दू के जगह एक मेडिकल बुलेटिन जारी करे जाही।