corona ले रजिस्ट्री ऑफिस के अधिकारी के हो गे मौत, अस्पताल म रहिस भर्ती

जय जोहार…. छत्तीसगढ़ ले कोरोना (corona) ले जुड़े एक बड़का खबर सामने आवत हे। रायपुर के डिप्टी रजिस्ट्रार आरएल साहू के आज कोरोना संक्रमण ले मौत हो गे। ओ हा रायपुर के एक निजी अस्पताल म भर्ती रहिस।
मिले जानकारी के मुताबिक पिछिले दिनों ओखर तबीयत ह अचानक बिगड़ गिस। ओला सांस ले म दिक्कत होय के शिकायत के बाद ओ मन ल अस्पताल म भर्ती कराय गे रहिस। अस्पताल म इलाज के दौरान ओखर मौत हो गे। बता दन कि रायपुर के रजिस्ट्री कार्यालय म कई अऊ अधिकारी अऊ कर्मचारी मन ह कोरोना (corona) के चपेट म हे।
एखर पहिले सनिच्चर के रायपुर के कबीरनगर थाना म पदस्थ एक एएसआई के घलो कोरोना (corona) ले मौत हो गे। हालांकि एम्स म भर्ती के दौरान ओखर रिपोर्ट पाजिटिव नई आय रहिस, लेकिन ओखर मौत के बाद रिपोर्ट ह पाजिटिव आइस हे।