जय जोहार। छत्तीसगढ़ योग आयोग डहार ले नियमित योगाभ्यास कार्यक्रम के अंतर्गत रविवार के रायपुर के डब्ल्यू आर एस कॉलोनी, वीरांगना अवंती बाई वार्ड के माता मंदिर प्रांगण म 32वां मुफत नियमित योगाभ्यास केन्द्र के सुभारंभ करे गीन । कार्यक्रम के मुख्य अतिथि छत्तीसगढ़ राज्य गृह निर्माण मण्डल के अध्यक्ष कुलदीप जुनेजा रिहीन। अध्यक्षता ल छत्तीसगढ़ योग आयोग के अध्यक्ष ज्ञानेश शर्मा ह करीन।
छत्तीसगढ़ राज्य गृह निर्माण मण्डल के अध्यक्ष कुलदीप जुनेजा ह माता मंदिर प्रांगण म योगाभ्यास बर विधायक निधि ले 5 लाख रुपिया के शेड निर्माण करवाए के घोसना करीन । ज्ञानेश शर्मा ह श्री जुनेजा के घोसना बर ओला धन्यवाद देत हुए किहीन कि शेड निर्माण हो जाए ले मनखे मन ह बिना कोनो बाधा के योगाभ्यास कर पाही । वोहा सबो मनखे मन ल नियमित योगाभ्यास अउ परिवार के सदस्य ल घलो योग बर प्रेरित करे के आह्वान करीन ।
निःशुल्क नियमित योगाभ्यास केंद्र के संचालन योग प्रसिक्षक आर.सी.एस. चंद्रवंशी डहार ले प्रतिदिन बिहनिया 6 बजे ले 7ः30 बजे तक वीरांगना अवंती बाई वार्ड के माता मंदिर प्रांगण डब्ल्यू आर एस कॉलोनी, रायपुर म करे जाही।
