जय जोहार । (Raipur) मुख्यमंत्री शहरी स्लम स्वास्थ्य योजना के माध्यम ले अब तक 36 लाख 79 हजार 642 ले जादा मनखे मन के इलाज मोबाइल मेडिकल यूनिट के चिकित्सा दल डहार ले स्लम बस्ती म मनखे मन के घर के तीर ही पहुंचके करे गेहे।
(Raipur) ए योजना के तहत अब पूरा राज्य के नगरीय क्षेत्र के स्लम बस्ती म चिकित्सक, पैरामेडिकल टीम, मेडिकल उपकरण अउ दवा ले लैस 120 मोबाइल मेडिकल यूनिट पहुंचके मनखे मन ल स्वास्थ्य सुविधा उपलब्ध करात हे । ए योजना के माध्यम ले अब तक 8 लाख 31 हजार 291 मरीज मन के पैथालॉजी टेस्ट, 30 लाख 93 हजार 726 ले जादा मरीज ल मुफत दवा दे गेहे । योजना के तहत लाभान्वित मरीज मन म 2 लाख 58 हजार 608 श्रमिक घलो हे।
छत्तीसगढ़ सासन के नगरीय प्रसासन अउ विकास विभाग डहार ले संचालित मुख्यमंत्री शहरी स्लम स्वास्थ्य योजना के तहत अब तक राज्य के 169 नगरीय निकाय के स्लम बस्ती म 49 हजार 192 कैम्प लगाके मनखे मन के मुफत जांच अउ उपचार कर के दवाई दे गेहे ।
गौरतलब हे कि राज्य के 14 नगर निगम क्षेत्र के स्लम बस्ती म रहवइया मनखे मन ल स्वास्थ्य सुविधा मुहैया कराय बर मुख्यमंत्री शहरी स्लम स्वास्थ्य योजना के पहिला चरण के सुरुवात 1 नवम्बर 2020 के होए रिहीन । (Raipur) एखर तहत 60 मोबाइल मेडिकल यूनिट डहार ले स्लम बस्ती म जाके मनखे मन के स्वास्थ्य परीक्षण, उपचार अउ दवा वितरण के सुरुवात करे गए रिहीन । 31 मार्च 2022 के एखर विस्तार पूरा राज्य के नगरीय निकाय क्षेत्र म करे गीन अउ 60 अउ नवा मोबाइल मेडिकल यूनिट सुरु करे गीन ।
No Comment! Be the first one.