डिप्टी कलेक्टर चौहान के करतूत के होइस खुलासा…… सोषन  के आरोप

डयूटी के नाम म कुत्ता ल घुमवाथे…. झाड़ू-पोंछा लगवाथे

दंतेवाड़ा। छत्तीसगढ़ के आदिवासी बाहुल्य व धुर नक्सली क्षेत्र दक्षिन बस्तर के दंतेवाड़ा म पदस्थ अफसर अपन कर्मचारी मन ले  न केवल बंगला म झाडू पोछा लगवाथे बल्कि उंखर ले घर म पाले गे पालतू कुत्ता ल सरकारी आफिस के चपरासी मन ह  नउहाथे।  ए हम नइ कहन बल्कि ए बात के खुलासा सरकारी कार्यालयों म पदस्थ  चपरासी मन ह करीन हे।  अफसर मन ले करावाए जाए ए कार्य मन ले परेसान हो के चपरासी मन ह मंगलवार के संझा डिप्टी कलेक्टर आरपी चौहान के खिलाफ मोरचा खोल देय रहिन हे।

दंतेवाडा म संयुक्त जिला कार्यालय के चतुर्थ वर्ग कर्मचारी मन ह अचानक ही डिप्टी कलेक्टर आरपी चौहान के खिलाफ मोरचा खोल दिस। उँखर उपर कर्मचारी मन ह सोषन करे के  आरोप लगात जमके नारेबाजी करे गिस।  कर्मचारी मन ह बताइन के, छुट्टी ले म उमन ल बेवजह परेसान करे जाथे। संगे संग कार्यालय म पदस्थ या संलग्न कर्मचारी मन के बिना कोनो आदेस के अफसर मन के बंगला म ड्यूटी लगाय जाथे।

चतुर्थ वर्ग कर्मचारी संघ के लोगन के मानव त शासन  ह जे अवकास उमन  देय  हे वो अवकास के दिन घलो चौहान काम करे बर मजबूर करत हे।  श्री चौहान उपर आरोप मन के  झड़ी लगात कहिन के , उमन ड्रेस म आए बर  कहिथे, लेकिन  गणवेश के बेवस्था उंखर  द्वारा नइ करे जाए। गणवेश नइ पहिनके आए ले तनख्वाह घलो काटे जाथे।  जे कर्मचारी मन के बंगला मन ड्यूटी लगाथे, बंगला म हाजिरी रजिस्टर  नइ होले कार्यालय म घलो उंखर  हाजिरी नइ लग पाय अउ न ही बंगला म।