पहिली बार रायपुर म होही भगवान् गणेश के महापुराण कथा ,कथाकार होही श्री कन्हैय्या लाल भट्ट जी

दीपक बावनकर@रायपुर रायपुर म पहिली बार गणेश महापुराण कथा के आयोजन होवत हे जेन ह तीन सितम्बर ले सात सितम्बर तक चलही ,ये कथा के कथाकार हे राजकोट राजस्थान के पूज्य श्री कन्हैय्या लाल भट्ट जी , कथा के आयोजन स्वर्ण भूमि परिसर विधानसभा रोड म करे जात हे ,चोटई अऊ गौड़ा परिवार ह ये सुघ्घर आयोजन करत हे जेमा पांचो दिन बने बने धार्मिक आयोजन होही जेम्मा प्रमुख रूप ले गणेश विवाह अऊ गणेश महारास होही ,सब्बो के बारे में श्रीमती पल्लवी मनुदेव गौड़ा ह     बताइस कि हमर द्वारा एक अभियान के शुरुवात करे जावत हे जेमा आयुर्वेदिक तरिका ले समाज ल व्यसन मुक्त करे के उद्देश्य हे ,तेखर पहिली महाराज के निर्देश के अनुसार ये गणेश महापुराण कथा के आयोजन करे जात हे , पल्लवी ह ये दौरान अपन परिवार ऊपर बीते कई दुखद स्मरण ल घलोक साझा करिस ,ये कथा के वाचन पूर्ण रूप ले हिंदी म होही