किडनेप करके युवती संग गैंगरेप, केस दर्ज, तीन आरोपी मन ला खोजत हे पुलिस

अजमेर। राजस्थान के अजमेर म गंज थाना इलाके म एक युवती ला अगवा करके ओकर संग गैंग रेप के मामला सामने आए हे।

घटना छह दिन पहिली बोराज इलाका के हरे। पीड़िता के बयान के आधार म पुलिस हा बोराज निवासी सुबोध समेत तीन युवक मन के खिलाफ जुर्म दर्ज करे हे।

पुलिस हा पीड़िता के मेडिकल मुआयना कराईस अउ कोर्ट म ओकर बयान दर्ज कराए हे। पुलिस हा आरोपी मन ला खोजत हे।

पुलिस के अनुसार पीड़िता हा बताए हे के 26 जुलाई के बोराज निवासी सुबोध अउ ओकर साथी मन ओला जबरन बोराज इलाका म भाटी के डांग म लेगिन अउ तीनों झन ओकर संग दुराचार करिन।

पीड़िता के बयान के आधार म गंज थाना पुलिस हा आरोपी मन के खिलाफ मुकदमा दर्ज करे हे। बुधवार के अदालत म पीड़िता के बयान दर्ज कराए गिस।

सुरुआती जांच म ए बात सामने आए हे के एक झन आरोपी हा पीड़िता के पुराना परिचय के हरे।