पाट जात्रा रस्म के संग आज ले बस्तर दसहरा के सुरुआत, रथ बनाए बर पहिली लकड़ी बिलौरी ले पहुंचिस

जगदलपुर। बस्तर म हर साल के जइसे यहू साल हरेली अमावस के दिन गुरुवार ल पाट जात्रा के रस्म संग दसहरा परब के सुरुआत होगे।

पाटजात्रा के विधान पूरा करे गिस। बस्तर दसहरा के रथ बनाए बर जउन पहिली लकड़ी लाने जाथे ओला स्थानीय बोली म ठुरलु खोटला अउ टीका पाटा केहे जाथे।

बस्तर दसहरा बर जउन रथ बनाए जाही ओकर बर पहिली लकड़ी दंतेश्वरी मंदिर के आघू म ग्राम बिलौरी ले जगदलपुर पहुंच चुके हे।

रथ के बनइया कारीगर मन अउ गांववाला मन के द्वारा मांझी चालाकी, मेंबरीन के साथ जनप्रतिनिधि मन के मौजूदगी म पूजा विधान के साथ पाट जात्रा के रस्म संपन्न होही।