अपहरण कर दू छात्रा ले गैंगरेप, दू आरोपी गिरफ्तार, दू झन हे फरार

अंबिकापुर। सहर के नजदीक सांडबार इलाका म अपहरण कर दू झन छात्रा ले गैंगरेप करे के मामला आघू आए हे। ये छात्रा मन ह 9 अगस्त ले घर ले लापता रिहिन हे। छात्रा मन के शिकायत म पुलिस ह लक्ष्मीपुर के रहवईया शुभम साहू 18 साल समेत एक नाबालिग़ ल गिरफ़्तार करे हे अउ दू आरोपी मन फरार हे।

जानकारी के मुताबिक 9 अगस्त ले दूनो छात्रा ह लापता रिहिस, जेन ह सहर से लगे सांडबार इलाका म बदहवास हालत म मिलिस हे। एक छात्रा ह 13 साल के अउ दूसर छात्रा के उमर ह 17 साल हे। चाइल्ड वेलफेयर कमेटी ल ये मन ह बताईस कि चारों आरोपी मन ह जगदीशपुर गांव के एक ठन निर्माणाधीन मकान म वारदात ल अंजाम दिस हे। पुलिस ह चारो आरोपी के खिलाफ धारा 363, 366, 354, 342, 376 (2) अउ पॉक्सो के धारा 6,7 के तहत अपराध दर्ज कर फरार आरोपी के तलाश म जुटिस हे।