गरियाबन्द कलेक्टर ह बरसत पानी म करिन जिला के दौरा, निष्ठिगुड़ा म करे हे गौठान के निरीक्षण
जय जोहार…. गरियाबन्द कलेक्टर छतर सिंह डेहरे ह आज बरसत पानी म देवभोग विकासखण्ड के निष्ठिगुड़ा, सुपेबेड़ा अउ जाखरपारा गांव के दौरा करे हे।
ए दौरान कलेक्टर ह ग्राम सुपेबेड़ा पहुंच के ग्रामीण मन ले मुलाकात करे हे। एखर आलावा प्राथमिक शाला के निरीक्षण करिन।
ए दौरान स्कूल के बाउंड्रीवाल बनाय अउ हैण्डपंप के पास सफाई रखे के निर्देश दे हे। कलेक्टर ह वाटर रिमूवल प्लांट के अवलोकन करिन।
ऊहचे स्थानीय पटवारी मनोज शांडिल्य के मऊके म उपस्थित नई होय के सती ओला निलंबित कर दिस। एखर बाद ग्राम निष्ठिगुड़ा म गौठान के निरीक्षण करिन अऊ ग्रामीण मन ले रोका-छेका के जानकारी लिस।
ऊहचे ग्राम झाखरपारा म सहकारी समिति म चलत चबूतरा निर्माण कार्य के निरीक्षण करे हे। ए दौरान निर्माण कार्य के धीमी गति म इंजीनियर अउ देवभोग जनपद सीईओ म नाराजगी व्यक्त करत हुये तीन दिन के भीतर निर्माण कार्य ल पूरा करे के निर्देश दे हे। ए दौरान जिला पंचायत सीईओ विनय कुमार लंगेह घलो ओखर संग रहिन।
