gariaband जिला कलेक्ट्रेट ह तीन दिन बर हो गे बन्द, कलेक्टर ह जारी करिन आदेश

जय जोहार…. गरियाबंद (gariaband) जिला कलेक्ट्रेट ल अवइया 72 घंटा बर बन्द कर दे गे हे। कलेक्ट्रेट कर्मचारी मन के कोरोना संक्रमित पाय जाय के बाद ये निर्णय ले गे हे।

ए संबंध म (gariaband) कलेक्टर छतर सिंह डेहरे ह आज एक आदेश जारी कर एखर घोसना करे हे। बता दन कि सनिच्चर के कलेक्ट्रेट के 8 अधिकारी अऊ कर्मचारी मन के कोरोना रिपोर्ट ह पाजिटिव आय रहिस। एखर बाद कलेक्ट्रेट म हड़कंप मच गे रहिस।

ओखर बाद (gariaband) कलेक्ट्रेट के सबो अधिकारी अऊ कर्मचारी मन के कोरोना जांच कराय गिस। बता दन कि राज्य म कोरोना संक्रमित मन के संख्या ह बाढ़ के 45263 पहुंच गे हे। जेमा ले 23685 एक्टिव मामला हे। उहचे 21198 लोगन मन ह कोरोना ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले प्रदेश म अब तक 380 लोगन मन के मौत हो गे हे।