गौरेला पेंड्रा मरवाही : लइका मन ल पोलियो के खुराक पिलाके कलेक्टर ह करिन अभियान के शुभारंभ

गौरेला पेंड्रा मरवाही। कलेक्टर लीना कमलेश मंडावी ह आज ग्राम बचरवार म माता चौरा म बनाए गिस बूथ म लइका मन ल पोलियो के खुराक पिलाकर तीन दिवसीय पल्स पोलियो अभियान के शुभारंभ करिन। मुख्य चिकित्सा अउ स्वास्थ्य अधिकारी डॉ रामेश्वर शर्मा ह बतायिन कि जिला म शून्य ले 5 वर्ष तक के लइका मन ल पोलियो के खुराक पिलाये जाए के लक्ष्य हे। एखर बर जिला म 428 बूथ बनाए गे हे। पल्स पोलियो अभियान रविवार 21 ले 23 दिसम्बर तक चलहि। आज जम्मों बूथ म लइका मन ल पोलियो के खुराक देय गिस। अगले 2 दिन मितानिन, आगनबाड़ी कार्यकर्ता मन अउ स्वास्थ्य कार्यकर्त्ता मन द्वारा घर घर भ्रमण कर छूटे लइकामन ल पोलियो के खुराक पिलाए जाहि। ए अवसर म जिला महिला अउ बाल विकास अधिकारी अमित सिन्हा सहित जिला टीकाकरण अधिकारी,  जिला नोडल अधिकारी, जिला कार्यक्रम प्रबंधक, खण्ड चिकित्सा अधिकारी, विकास खण्ड कार्यक्रम प्रबंधक, बीईटीओ, कार्यकर्त्ता अउ मितानिन के उपस्थिति रहिन।