सौगात के खुल गे पिटाराः सीएम बघेल ह 100 करोड़ 40 लाख के दिन सौगात, नवा राजीव भवन के लोकार्पन

छत्तीसगढ़ के मुख्यमंत्री भूपेश बघेल ह आज कवर्धा प्रवास म रिहिन। ए बेरा म ओमन कवर्धा जिला ल 1अरब 40 लाख रुपिया के विकास कार्यों के सौगात दे हे। दोपहर मुख्यमंत्री भूपेश बघेल के हेलीकाप्टर कवर्धा पहुंचिस जिहां कार्यकर्ता मन जोरदार स्वागत करिन। उहां ले सीधा ओमन छिरहा गांव पहुंचिन। जिहां जिला कांग्रेस कार्यालय राजीव भवन के लोकापर्ण करिन अऊ कार्यकर्ता मन ल संबोधित करिन।

भूपेश बघेल ह नवा राजीव भवन लोकापर्ण बर शुभकामना दिन। मंचीय कार्यक्रम म मुख्यमंत्री संग प्रदेश प्रभारी कुमारी सैलजा, चरणदास महंत अऊ मंत्री मोहम्मद अकबर घलो संघरे रिहिन। सीएम बघेल ह अपने संबोंधन म कार्यकर्ता मन के काम के तारीफ करिन अऊ कहिन कि अवईया चुनई बर तियार रहे। ए बेरा चुनाव म पहिली ले बेहतर परिनाम बर मेहनत करे जाए।

CM बघेल ह पाछू के भाजपा सरकार अऊ ओखर योजना मन म व्यंग कसिन। ए प्रवास के बेरा म सीएम बघेल ह कवर्धा म अनतर्राज्यीय हाईटेक बस स्टैण्ड के घलो लोकापर्ण करिन।

भूपेश बघेल ह कलेक्टर कार्यालय परिसर म स्थित छत्तीसगढ महतारी के मूर्ति के घलो अनावरण करिन। संगे-संग पौनी पसारी बजार, मिलेट्स कैफे के घलो उद्धाटन करिन। मिलेट्स कैफे म चुरे कोदो, रागी ले बनाए व्यंजन के घलो ओमन स्वाद ल चखिन अऊ ओखर तारीफ करिन।

अपन प्रवास के सिराए के बेरा म कुर्मी छात्रावास भवन के उद्घाटन के बाद ओमन कुर्मी समाज के वार्षिक अधिवेशन कार्यक्रम म संघरिन। जिहा ओमन कुर्मी समाज के लोगन मन ल संबोधित करिन। ए बेरा म ओमन कांग्रेस सरकार के उपलब्धि ल गिनात लोक कल्याण कारी योजना मन के लोगन मन के बीच गोठ-बात करिन।