कोरबा म सरकारी स्कूल के लइका मन ह प्रिंसिपल के खेलाफ खोलिस मोर्चा

कोरबा. जिला म एक शासकीय हायर सेकेंड्री स्कूल के प्राचार्य उपर प्रताड़ित करे के आरोप लगे हे. स्कूली छात्रा मन ह  प्रिंसिपल के खेलाफ मोर्चा खोलत हुए स्कूल के तीर के  सड़क म जमके प्रदर्शन करिन अउ पसान थाना म प्राचार्य के खेलाफ सिकायत दर्ज करे पहुंचिन.

मिले जानकारी  म बोर्ड परीक्षा के एक दिन पहिली गुरुवार के पोड़ी ब्लॉक के पसान स्थित कन्या हायर सेकेंड्री स्कूल म प्राचार्य ल हटाए के मांग ल लेके धरना प्रदर्शन करिन.  छात्रा मन के आरोप हे  कि स्कूल के प्राचार्य जेआर बेन ह कक्षा 9वीं अउ 11वीं के छात्रा मन ले  800 रूपिया परीक्षा शुल्क वसूल करे हवय.

छात्रा मन के आरोप हे कि प्राचार्य ह बच्च मन ले स्कूल के साफ सफाई, बर्तन साफ करे लेके  चाय- नाश्ता परोसे के काम कराथे. . महिला शिक्षिका मन ले अभद्र व्यवहार करे के घलो आरोप लगे हे.  मामला के गंभीरता ल देखत हुए पोड़ी-उपरोड़ा ब्लॉक शिक्षा अधिकारी अजय चंद्राकर ह मउका म पहुंच के मामला सांत कराइस.  मामला के जांच के आदेस देवत हुए जिला शिक्षा अधिकारी सतीश पांडेय ह परीक्षा पूरा होवत तक प्राचार्य ल स्कूल ले हटात हुए जिला शिक्षा विभाग अटैच कर देय हे.  इधर पसान पुलिस छात्रा मन अउ शिक्षिका मन के  सिकायत म जांच कर कार्रवाई के बात पुलिस कहस हे.