कोरेना के कहर के आघू भगवान घलो नतमस्तक , शिवलिंग म लागिस मास्क त महामाया म अगरबत्ती जलाय म प्रतिबंध

जय जोहार रायपुर… छत्तीसगढ़ म अभी तक कोरेना ले प्रभावित एको पाजिटिव नई मिले हे लेकिन एखर बर अहतियात अतना बरते जात हे कि भक्त मन अपन भगवान ल घलो एखर प्रकोप ले बचाय के उदिम कर डारे हे, बता दन कि नहर पारा के नीलकंठेश्वर महादेव मंदीर म भगवान शिव ल घलो मास्क पहिना दे गे हे ताकि भगवान घलो कोरेना ले प्रभावित न हो अऊ तो अऊ महामाया मंदिर म अगरबत्ती , धुप जलाय म प्रतिबन्ध लगा दे गे हे ,

ये सब सरकार के अपन विभाग ल ३१ मार्च तक के स्थगन आदेश के कारण होय हे काबर कि अभी स्कूल , कालेज , आंगनबाड़ी अऊ राजिव भवन म तको मंत्री से मिलिए कार्यक्रम ल स्थगित कर दे गे हे , ये सब ल देख के लागत हे कि कोरेना अब तक के सबले बड़े बीमारी होही तेखरे पाय के अतना सब होवत हे.