जय जोहार। (chhattisgarh) छत्तीसगढ़ के महत्वाकांक्षी गोधन न्याय योजना अउ मितान योजना ल गुजरात के अहमदाबाद स्थित गांधीनगर महात्मा मंदिर म 4 से 9 जुलाई तक आयोजित डिजिटल इंडिया सप्ताह म सराहना मिलीन हे। छत्तीसगढ़ के डहार ले बुधवार के तीसरइया दिन आयोजित कांफ्रेंस म इलेक्ट्रॉनिक्स अउ सूचना प्रौद्योगिकी विभाग के विशेष सचिव अउ छत्तीसगढ़ इन्फोटेक प्रमोसन सोसायटी के मुख्य कार्यपालन अधिकारी समीर विश्नोई ह राज्य के महत्वाकांक्षी मितान योजना के विस्तृत जानकारी प्रदान करीन।
श्री विश्नोई ह बताइन कि (chhattisgarh) राज्य शासन डहार ले प्रारंभ करे मितान योजना के मुख्य उद्देश्य सासकीय सेवा वितरण प्रणाली म सुधार लात नागरिक मन ल घर पहुंच सेवा के लाभ प्रदान करे के हे। एखर आलावा गोधन न्याय योजनाके घलो जानकारी प्रदान करे गीन।।
ए दउरान मंच के संचालन करत भारत सासन सूचना प्रौद्योगिकी मंत्रालय के सचिव राजेंद्र कुमार ह राज्य सरकार डहार ले नवाचार के प्रयोग करत हुये संचालित योजना अउ छत्तीसगढ़ के नवा पहलु के प्रसंसा करीन ।
एखर पूर्व डिजिटल इंडिया सप्ताह के तीसरइया दिन गुजरात सरकार के माइ हवअ पोर्टल, आईटी पॉलिसी के मार्गदर्शिका अउ आईटी क्षेत्र म सब्सिडी प्रदान करे बर एकल खिड़की पोर्टल के सुभारंभ गुजरात सरकार के सिक्षा मंत्री जीतू भाई वाघनी ह करीन ।
कारीकरम म डॉ. जे सतनारायण, सलाहकार वर्ल्ड इकोनामिक फोरम, सामान्य सेवा केंद्र के मुख्य कार्यपालन अधिकारी डॉ. दिनेश कुमार त्यागी, आंध्र प्रदेश के आईटी विभाग के प्रमुख सचिव सौरभ गोरे, उत्तर प्रदेश सरकार के सचिव कुमार विनीत ह भाग लीन ।
