Raipur : गोधन न्याय योजना ल मिले हे एक अउ राष्ट्रीय अवार्ड, नई दिल्ली म काली मिलही सीएसआई एसआईजी ई-गवर्नेंस अवार्ड

जय जोहार । (Raipur ) छत्तीसगढ़ के गोधन न्याय योजना ल फेर ले एक ठन राष्ट्रीय स्तर के पुरस्कार ले सम्मानित करे जावत हे । ए योजना के 20वां कम्प्यूटर सोसायटी ऑफ इंडिया स्पेशल इंटरेस्ट गु्रप ई-गवर्नेंस अवार्ड 2022 ले नवाजा जाही । मुख्यमंत्री भूपेश बघेल अउ कृषि मंत्री रविन्द्र चौबे ह एखर बर प्रदेस वासी अउ कृषि विभाग के सबो अधिकारी -कर्मचारी ल बधाई अउ सुभकामना दीन हे।

ये अवार्ड ल 25 मार्च के देस के राजधानी दिल्ली म नेताजी सुभाष यूनिवर्सिटी ऑफ टेक्नॉलीजी के डॉ. बी.आर. अम्बेडकर सभागृह म दे जाही । गोधन न्याय योजना ल राज्य अउ प्रोजेक्ट केटेगरी म चयनित करे गेहे । उल्लेखनीय हे कि गोधन न्याय योजना ल पूर्व म ‘‘स्कॉच गोल्ड अवार्ड’’ अउ राष्ट्रीय स्तर म एलेट्स इनोवेशन अवार्ड’’ घलो मिल चुके हे ।