छालिवुड के दिग्गज कलाकार मन के बीच अभिनय करना सौभाग्य , संध्या

अभी एकठन फिलिम बनत हे जेखर नाम हरे जय शीतला माँ , पुनीत सोनकर अऊ लिलेश्वर सिन्हा के प्रोडक्शन म बनने वाला ये फिलिम म पुनीत सोनकर , अनुराधा दुबे , प्रदीप शर्मा , संजय मैथिल जईसे दिग्गज कलाकार मन अभिनय करत हे , अइसे में एखर मन संग अभिनय करना अपन सौभाग्य समझत हे संध्या ह .संध्या मानिकपुरी ल छत्तीसगढ़ी सिनेमा म एक लम्बा समय हो गे हे लेकिन हमेशा कुछ नया सीखे के आदत ह संध्या ल लगातार स्क्रीन देवत हे

बता दन कि बेमेतरा के रहैय्या संध्या ह अपन अभिनय के चलते राजधानी म कला क्षेत्र म सक्रीय हे ,ओखर अभी फिलिम के शूटिंग चलत हे जेमा वो बड़े बड़े दिग्गज कलाकार मन संग काम कर कला के नवा नवा गुर सीखत हे, संध्या ह बताइस कि ये नवा साल म ओखर चार फिलिम आने वाला हे जेमा वो ह कुछ हट के अभिनय करे के कोशिश करे हे .