प्रदेश म आज ले होगे पोषण पखवाड़ा ह शुरू, मंत्री भेंड़िया ह सुपोषण रथ ल हरी झंडी दिखाके करिस रवाना

जय जोहार रायपुर…. पोषण पखवाड़ा के शुभारंभ अवसर म महिला अऊ बाल विकास मंत्री अनिला भेंड़िया ह आज राजधानी म अपन निवास ले जनजागरूकता बर सुपोषण रथ ल हरी झंडी दिखाके रवाना करिस।

ए रथ ह रायपुर, बिलासपुर, राजनांदगांव, बालोद अऊ कोरबा जिला के ग्रामीण अऊ शहरी क्षेत्र मन म घूमही अऊ सुपोषण के संदेश देही। छत्तीसगढ़ ल कुपोषण ले मुक्त करे बर राष्ट्रीय पोषण अभियान के तहत प्रदेश म पोषण पखवाड़ा आज ले शुरू होके 22 मार्च तक चलही। ए दौरान प्रदेश भर म सुपोषण के प्रति जनजागरूकता के प्रयास करे जाही।