बिलासपुर। उसलापुर म नवा बने गोपेश्वर धाम मंदिर म दर्शन करे बर श्रद्धालु मन के भारी भीड़ उमड़त हे। इहां देवों के देव महादेव के कई स्वरूप ल दिखाए गे हे, जेन कारन ले ये भव्य अउ आकर्षक मंदिर ल देखे अउ पूजा-पाठ करे बर दूर-दूर ले लोगन मन पहुंचत हे।
गोपेश्वर धाम म सावन सोमवार के बिहनिया ले श्रद्धालु मन के तांता लगे हावय। ये मंदिर ल बनाए बर दक्षिण भारत ल कारीगर आए रहीस, जेन मन भगवान शंकर के दिव्य रूप के निर्मान करे हे, जिहां राधा कृष्ण मंदिर घलो हे। महादेव के नैनाभिराम मूर्ती ल देखके मन अनायास आकर्षित हो जथे।
मंदिर के निर्मान के बारे म केदार सिंह ठाकुर ने बताईन कि ये सब ईश्वर के कृपा ले ही संभव हो पाए हे, मनुष्य तो एखर निमित्त मात्र हरे। भगवान ल जेखर हाथ म काम कराना होथे वो ह वोकरे चुनाव करथे। आचार्य वृंदावन धाम ब्रजकोषी के पं. बालमुकुंद वैष्णव द्वारा पूजा-पाठ ल संपन्न कराए जात। सोमवार के दिन ही नागपंचमी होय ले विशेष पूजा घलो करत हे । महाराज वैष्णव ह बताईन कि जेखर कुंडली म नाग सांप के दोष ले दु:ख मिलथे, वो ह नागपंचमी के दिन पूजा-अर्चना करे ले वो दोष ह दूर हो सकथे।
