Raipur म शासकीय कर्मचारी मन ह आज करही धरना प्रदर्शन, सीएम ल सौंपही ज्ञापन

जय जोहार…. (Raipur) कर्मचारी अधिकारी फेडरेशन के बेनर तले प्रदेश भर के शासकीय कर्मचारी मन ह राजधानी रायपुर म इकट्ठा हो के धरना प्रदर्शन अऊ रैली निकालही। ए दौरान प्रदर्शन करत हुये कर्मचारी मन ह रैली निकाल के सीएम भूपेश बघेल ल ज्ञापन सौंपही।

तीसर चरण के आंदोलन म सरकार के घोसना पत्र म शासकीय कर्मचारी मन बर करे गे वादा ल याद दिलाही। ज्ञात हो कि (Raipur) शासकीय कर्मचारी मन ह 14 सूत्रीय मांग ल ले के सरलघा आंदोलनरत हे। ये आंदोलन के तीसर चरण हे। प्रदेश भर के शासकीय कर्मचारी मन ह 1 दिसंबर ले आंदोलन के आगाज कर दे हे।

(Raipur) आंदोलन के पहिले दिन 1 दिसंबर के शासकीय कर्मचारी मन ह सबो जिला कलेक्ट्रेट म मशाल ले के विरोध प्रदर्शन करे रिहिन। फेर दूसर चरण म 11 दिसंबर के जिला मुख्यालय म धरना प्रदर्शन करे रिहिन।