Corona: छत्तीसगढ़ म बीते 24 घंटा म होय हे 1413 नवा मरीज के पहचान, राजधानी म घलो 224 पाजिटिव

जय जोहार…. (Corona) छत्तीसगढ़ म बीते 24 घंटा म कोरोना के 1413 नवा मामला ह सामने आय हे। उहचे 1228 लोगन मन ल बने होय के बाद अस्पताल ले छुट्टी दे दे गे हे। जबकि इलाज के दौरान 4 लोगन मन के मौत हो गे हे।

पिछिले 24 घंटा म कोरोना (Corona) के जेन नवा मरीज मिले हे, ओमा रायपुर ले 224, बिलासपुर ले 147, दुर्ग ले 141, रायगढ़ ले 123, महासमुंद ले 88, कोरबा ले 84, राजनांदगांव ले 78, सूरजपुर ले 69, सरगुजा ले 61, जांजगीर-चांपा अऊ जशपुर ले 50-50, धमतरी ले 46, बालोद ले 45, बलौदाबाजार ले 39, कोरिया ले 33, कबीरधाम ले 24, बलरामपुर ले 22 मरीज शामिल हे।

बता देन कि प्रदेश म कोरोना (Corona) संक्रमण के मामला ह बाढ़ के 2 लाख 64 हजार 898 हो गे हे। जेमा ले 17 हजार 448 एक्टिव मामला हे। उहचे 2 लाख 44 हजार 247 लोगन मन ह बने होय के बाद अस्पताल ले अपन घर लहुट चुके हे। ए वायरस ले प्रदेश म अब तक 3163 लोगन मन के मौत हो गे हे।