balodabazar : सरकारी अधिकारी अऊ कर्मचारी मन के कोविड-19 जांच बर काली ले लगही शिविर, पढो पूरा खबर

जय जोहार…. बलौदाबाजार (balodabazar) जिला म कोरोना संक्रमण के बाढ़त संख्या ल देखत हुये हरके विकासखण्ड म कोविड-19 टेस्ट बर विशेष शिविर के आयोजन करे जावत हे।

(balodabazar) ए शिविर के आयोजन ह आठ सितंबर ले चक्रपाणी हाईस्कूल ले सुरू होही। एखर बाद बुधवार के पलारी, गुरुवार के कसडोल, शुक्रवार के बिलाईगढ़ अऊ सनिच्चर के भाटापारा अऊ इतवार के सिमगा म शिविर लगाय जाही।

ए शिविर म (balodabazar) ब्लाक स्तर के अधिकारी अऊ कर्मचारी मन के उपस्थिति ल अनुविभागीय अधिकारी राजस्व ह सुनिश्चित करही, जेमा पटवारी ल ले के सबो राजस्व अमला, ग्राम सचिव, रोजगार सहायक, आंगनबाड़ी कार्यकर्ता अऊ सहायिका, मितानिन अऊ विकासखण्ड के सबो थाना प्रभारी अऊ कांस्टेबल ह टेस्ट कराही। ए शिविर म इच्छुक जनप्रतिनिधि अऊ नागरिक ह घलो अपन कोविड-19 टेस्ट करा सकत हे।