जय जोहार रायपुर…. भाजपा प्रदेश प्रवक्ता संजय श्रीवास्तव ह कहिन कि छत्तीसगढ़ सरकार ह शराब ले ध्यान हटा के किसान मन के समस्या मन म ध्यान दे। प्रदेश के जनता ल आज अईसे महसूस होवत हे कि सरकार के ध्यान ए म ज्यादा हे कि कईसे शराब के दुकान मन ल खोले, इसलिए कुछु दिन पूर्व एखर बर कमेटी के गठन करे गे रहिस, लेकिन विरोध के चलत सरकार ल वापस ले बर पड़िस।
वो हा कहिन कि कांग्रेस ह ए विपरीत समय म किसान मन ल कोनो राहत नई दे हे। इहां तक धान खरीदी के अंतर राशि घलो किसान मन के खाता म नई पहुंचे हे। जबकि कांग्रेस ह अप्रैल के वादा करे रहिस। आज किसान मन ल सब्जी मन के उचित दाम नई मिलत हे। संगेसंग खपत कम होय ले सब्जी मन के उठाव नई हो पात हे। फलस्वरूप खेत अऊ बाड़ी मन म सब्जी मन ह खराब होवत हे।
वो हा कहिन कि किसान संगठन मन के अनुसार लॉकडाउन के वजह ले किसान मन ल लगभग 700 करोड़ रूपिया के नुकसान हो चुके हे। दूसर ओर किसान मन के गेहूं के फसल तैयार हे। संगेसंग चना, अरहर अऊ धान के फसल घलो तैयार हे, लेकिन कटाई ह संभव नई हो पात हे। संगेसंग ओखर बर मार्केट नई मिलत हे।
No Comment! Be the first one.