जय जोहार रायपुर…. छत्तीसगढ़ के राजधानी रायपुर ले बड़ा सुखद खबर आवत हे। इहां चार अऊ कोरोना संक्रमित मरीज ह ठीक हो गे हे। सरलघा दु रिपोर्ट ह निगेटिव आए के बाद एम्स ह ओ मन ल छुट्टी दे दिस। ए सबो मरीज मन ह कोरबा जिला के कटघोरा म मिले रहिस। चार अऊ मरीज मन के ठीक हो जाए के बाद अब प्रदेश म संक्रमित मरीज मन के संख्या 16 रह गे हे।
आप मन ल बता देन कि छत्तीसगढ़ के हॉट स्पॉट बन चुके कटघोरा ले सरलघा पॉजिटिव केस सामने आत रहिस। प्रदेश म सामने आए कुल 33 मरीज म ले 24 मरीज ह कटघोरा म मिले रहिस, लेकिन अब नवा मरीज मन के मिलना दु दिन ले बंद हे। बल्कि पिछिले दु दिन ले मरीज मन के ठीक होए के खबर आवत हे।
No Comment! Be the first one.