BREAKING : डीकेएस हॉस्पिटल ले हटाए गिस रमन सिंह के दामाद डॉ पुनीत गुप्ता

रायपुर। भूपेश बघेल सरकार ह बड़ फइसला लिस हे।  अपन अहम फइसला म दाऊ कल्याण सिंह (डीकेएस) सुपर स्पेशियलिटी हॉस्पिटल के इंचार्ज डॉक्टर पुनीत गुप्ता ल हटा दिस हे।

डॉक्टर पुनीत गुप्ता ल पंडित जवाहरलाल नेहरू मेडिकल कॉलेज म ओएसडी के जुम्मेदारी सउपे गिस हे। उंकर जगा राजनांदगांव मेडिकल कालेज के प्राध्यापक डॉक्टर कमल किशोर ल डीकेएस हॉस्पिटल के नवां इंचार्ज बनाय गेहे।

डॉक्टर पुनीत गुप्ता पूर्व मुख्यमंत्री रमन सिंह के दामाद  हे।  पूर्व म उंखर नियुक्ति ल लेके  विवाद घलो रहिस हे। डीकेएस हॉस्पिटल के निरमान अउ नियुक्ती मन म डॉक्टर गुप्ता कांग्रेस के निसाना म रहिस हे।  गरियाबंद के सुपेबेड़ा म घलो मरीज के जांच म कतको तरह के गड़बड़ी होए के सिकायत घलो उंखर खेलाफ  आघू आवत रहिस हे।  हाल ही म उमन गरियाबंद गे रहिन हे, जिहां उंखर काफी विरोध घलो होइस हे।