छत्तीसगढ़ के नव मनोनीत राज्यपाल अनुसुईया उइके ह 27 जुलई के पहुंचही रायपुर

रायपुर। छत्तीसगढ़ के नव मनोनीत राज्यपाल सुश्री अनुसुईया उइके के 27 जुलई के रायपुर आगमन होवत हे। राज्यपाल ह संझा 5:25 बजे नई दिल्ली ले इंडिगो के नियमित विमान म रवाना होके सवा 7 बजे स्वामी विवेकानन्द विमानतल पहुंचही। एखर बाद विमानतल ले प्रस्थान कर राज्य अतिथि गृह ‘पहुना’ पहुंचही।

सुश्री उइके ह 29 जुलई के बिहनिया करीब 9 बजे शहीद वीर नारायण सिंह स्मारक पहुंच के श्रद्धांजलि दिही। एखर बाद माना विमानतल रोड स्थित राजीव स्मृति वन के शहीद वाटिका म शहीद मन ल श्रद्धासुमन अर्पित करही। राज्यपाल सुश्री उइके ह सोमवार के संझा 4 बजे राजभवन के दरबार हॉल म आयोजित समारोह म छत्तीसगढ़ के राज्यपाल के पद के शपथ लिही। राज्यपाल ल बिलासपुर उच्च न्यायालय के मुख्य न्यायाधीश पी. आर. रामचन्द्र मेनन ह शपथ दिलाही। ये मौका म मुख्यमंत्री भूपेश बघेल, विधानसभा अध्यक्ष, नेताप्रतिपक्ष समेत मंत्रिमण्डल के सदस्य, विधायकगण, आमंत्रित गणमान्य नागरिक अउ वरिष्ठ प्रशासनिक अधिकारी मौजूद रइही।