मनखे मन के जीवन म आवइया बदलाव मन उपर शोध होनी चाही

 डॉ. सीवी रमन यूनिवर्सिटी के पहिली दीक्षांत समारोह म शामिल होइन राज्यपाल आनंदी बेन पटेल

रायपुर. प्रदेश के राज्यपाल अउ डॉ. सीवी रमन यूनिवर्सिटी बिलासपुर के कुलाधिपति श्रीमती आनंदी बेन पटेल ह कहिन के विश्वविद्यालय मन ल शासकीय योजना मन के मनखे मन के जीवन म परे प्रभाव उपर शोध करना चाही। उमन टीबी ले पीड़ित लइका मन के खोजकरके उंखर देखभाल करे के अपील घलोक करिन। राज्यपाल श्रीमती पटेल आज बिलासपुर जिला के कोटा स्थित डॉ. सीवी रमन विश्वविद्यालय के पहिली दीक्षांत समारोह ल सम्बोधित करत रहिन।

डॉ. सीवी रमन विश्वविद्यालय के पहिली दीक्षांत समारोह म राज्यपाल श्रीमती पटेल ह 202 छात्र-छात्रा मन ल उपाधि पत्र अउ 99 छात्र-छात्रा मन ल स्वर्ण पदक प्रदान करिन। ए अवसर म अपन उद्बोधन म उमन विश्व विद्यालय के प्रबंधन ल ए बात बर बधाई दीन के उमन 5 गांव ल गोद लेहे हे। उमन अपेक्षा करिन के ए गांव मन म केन्द्र अउ राज्य सरकार के योजना मन के लाभ गांव वाले मन ल मिलय, एकर प्रयास होना चाही। एखर अध्ययन घलोक होना चाही के योजना मन ले ऊंखर जीवन स्तर म कइसे बदलाव आये हे।