बढ़े वेतन अऊ एरियर्स के रासि ल नइ ले के निर्नय लिस राज्यपाल

रायपुर । छत्तीसगढ़ के राज्यपाल बलरामजी दास टंडन ह हाल ही म राज्यपाल मन के बेतन म करे गे बढ़ोत्तरी अऊ एरियर्स के रासि ल नइ ले के निर्नय लिस हे। ये संबंध म राज्यपाल ह छत्तीसगढ़ के महालेखाकार ल मई 2018 म पत्र लिखके जुन्ना बेतनमान 1 लाख10 हजार रूपिया ही ले के इच्छा जताइस हे। राज्यपाल के पत्र के आधार म ओकर बेतन 1 लाख 10 हजार ही करे उपर महालेखाकार ह सहमति दे दे हे। उहें केन्द्रीय गृह मंत्रालय ह मार्च 2018 म जारी राजपत्र के अनुसार राज्यपाल मन के बेतन म वृद्धि करे हे। पहिली ये बेतन 1 लाख 10 हजार रूपिया रहिस। जेला बढ़ाके 3 लाख 50 हजार रूपिया करे गे हे।