प्रदेश भर के सिक्छाकर्मी मन म खुसी के लहर

रायपुर । सीएम रमन सिंह ह रविवार के अंबिकापुर म आयोजित सभा म सिक्छाकर्मी मन ल संविलियन के सौगात दीस। सीएम के घोसना सुनत ही प्रदेश भर के सिक्छाकर्मी मन म खुसी के लहर दउड़ गिस, उहें सिक्छाकर्मी संघ ह रमन सिंह के ये घोसना के स्वागत करत हुए धन्यवाद दिस हे। संविलियन मिले के खुसी म सिक्छाकर्मी सड़क मन म उतर आइस अउ घंटों पटाखा फोड़के खुसी जाहिर करिन हे।
सिक्छाकर्मी मन के शिक्षा विभाग म संविलियन के सरकार के ऐलान के बाद प्रदेशभर म सिक्छाकर्मी मन ह पटाखे फोड़के खुसी मनावत हे। राजधानी म सिक्छाकर्मी मन के नेता वीरेंद्र दुबे के संग अन्य सिक्छाकर्मी मन ह जमके पटाखा फोड़ दिस। सिक्छाकर्मी मन ह नाच-गा के एक-दूसर ल मिठाई खिलाउस अउ संविलियन के बधाई दीस।