गांजा के तस्करी करइया एक अंतरराज्यीय गिरोह ल पकड़िस

धमतरी। धमतरी पुलिस ह ओडिशा ले गांजा के तस्‍करी करइया एक अंतरराज्यीय गिरोह ल पकड़िस हे. पुलिस ह कार सवार म दू लोगन के तीर ले तीन बोरी मन म 105 किलो गांजा बरामद करिस हे.गांजा के कीमत 5 लाख 25 हजार रुपिया है.

लोकसभा चुनाव ल लेके पुलिस के जांच अभियान तेज हो गेहे. धमतरी जिला के बोराई म पुलिस ह चेक पोस्‍ट लगाके वाहन मन के जांच करत रहिस हे. इहीं क्रम म जांच के दउरान पुलिस ल ए सफलता मिलिस. धमतरी एसपी बालाजी राव ह बताइस के सोमवार के बोराई चेक पोस्‍ट म वाहन मन के जांच करे जात रहिस हे. तभे बोराई पुलिस ह तेज रफ्तार कार ल फारेस्‍ट बेरियर चेकिंग प्‍वाइंट के तीर रोक के  जांच करिस. कार के जांच के दउरान ओमा पीला रंग के तीन बोरी मिलिस, जेमा गांजा भरे हुए रहिस हे.