Chhattisgarh: परीक्षार्थी मन ल बड़का राहत, दसवीं अऊ बारहवीं बोर्ड परीक्षा म असाइनमेंट के बाध्यता ले छूट

जय जोहार…. (Chhattisgarh) दसवीं अऊ बारहवीं बोर्ड परीक्षा के पैटर्न म बदलाव करे गे हे। दसवीं अऊ बारहवीं के बोर्ड परीक्षा म असाइनमेंट के बाध्यता ले परीक्षार्थी मन ल छूट दे गे हे। माध्यमिक शिक्षा मडल ह परीक्षार्थी मन ल बड़का राहत देवत हुये निर्देश जारी करे हे कि हरेक विषय के 4 असाइनमेंट के बाध्यता ल शिथिल करत हुये 3 असाइनमेंट ल अनिवार्य करे गे हे।

बता देन कि (Chhattisgarh) अब परीक्षार्थी मन ल हरके विषय के कम ले कम 3 असाइनमेंट ल ही जमा करे के जरुरत होही, जेन परीक्षार्थी ह असाइनमेंट ल जमा नई करही, ओ मन ल मुख्य परीक्षा म सामिल होय ल नई दे जाही।

(Chhattisgarh) माध्यमिक शिक्षा मंडल ह ये घलो कहिन कि सबो विषय के परीक्षार्थी के सबले जादा अंक वाला 3 असाइनमेंट के प्राप्तांक के आधार म 30 प्रतिशत अधिभार ल आंतरिक मूल्यांकन बर मान्य करे जाही। मुख्य परीक्षा म सैद्धांतिक अंक के 70 प्रतिशत अंक लिखित परीक्षा अऊ सैद्धांतिक अंक के 30 प्रतिशत अंक असाइनमेंट परीक्षा के आधार म स्कोर तैयार करे जाही।