जय जोहार…. ग्रीन आर्मी (green army ) चंगोरभाठा के तरफ ले आज शहीद वीर जवान मन के स्मृति म महादेवा तालाब म 20 पौधेरोपण करे गे हे।
ए अवसर म ग्रीन आर्मी (green army) चंगोराभाठा जोन के अध्यक्ष डॉ पुरुषोत्तम चंद्राकर ह बताइस कि पर्यावरण ल सुरक्षित अऊ हरे भरे रखे के ह मन सबके जिम्मेदारी हे। ह मन ह शहर के वातावरण ल प्रदूषित होय ले बचाये अऊ अपन आसपास म जियादा ले जियादा पौधे लगाएं।
कार्यक्रम के प्रारंभ म योग गुरु तृप्ति त्रिपाठी अऊ शिव श्याम यदु के मार्गदर्शन म सब्बो लोगन मन ह योग करिन। एखर बाद सब्बो लोगन मन ह शहीद जवान मन ल श्रद्धांजलि देत हुये महादेवा तालाब के चारो तरफ पौधरोपण करिन। कार्यक्रम के समापन अवसर म सब्बो वीर शहीद जवान मन ल श्रद्धांजलि दे बर दू मिनट के मौन रख के ओखर आत्मा के शांति बर प्रार्थना करे गिस।
ए अवसर पर ग्रीन आर्मी (green army) के संस्थापक अमिताभ दुबे, सचिव चंद्रकांत देवांगन, इंचार्ज के के वर्मा, नरेंद्र गोस्वामी, आकाश कुशवाहा, फिल्म अभिनेता मनमोहन सिंह ठाकुर, संतोष सारथी, चंपा निषाद, कोपल क्रिएटिव संस्था के दास बाबू , संजू साहू अभिनेत्री, गुरुकुल महाविद्यालय के प्रोफ़ेसर रात्रि लहरी, एन.एस.एस. प्रभारी सुनीता चमसूर्या, छत्तीसगढ़ कॉलेज से प्रोफेसर ममता पटेल, अग्रसेन कॉलेज के प्रोफेसर ममता यदु, हरदीप कौर ब्राउन विंग चेयरमैन नवीन शुक्ला, गुरुदीप टुटेजा, आशीष शर्मा, डॉ मनोज ठाकुर, वेद प्रकाश तारक, पुनीता चंद्रा,पद्मिनी वर्मा, धनेश पटेल ममता शर्मा ह पौधरोपण कार्य म अपनी महती भूमिका निभाये हे|
