chhattisgarh : केंद्रीय बजट म किसान, मजदूर, युवा, बेरोजगार अउ महिला मन बर कुछ नई : भूपेश बघेल

जय जोहार…. (chhattisgarh ) मुख्यमंत्री भूपेश बघेल ह आज संसद म प्रस्तुत वित्तीय बच्छर 2022-23 के केंद्रीय बजट म प्रतिक्रिया देत हुये किहीन कि केन्द्र सरकार के बजट पूरा तरह ले निराशाजनक अउ दिशाहीन हे। बजट म किसान, मजदूर, युवा, बेरोजगार अउ महिला मन बर कुछ घलो नई हे। सीएम श्री बघेल ह किहीन कि बजट ल लेके मनखे मन ल बड़का उम्मीद रिहीन कि किसान , मजदूर मन ल कुछ मिलही, लेकिन एमा कुछ नई हे ।

मुख्यमंत्री भूपेश बघेल ह किहीन कि किसान के आय ल दोगुनी करे के बारे म कोनो बात नई कहे गेहे। (chhattisgarh ) पुराना बजट म जेन बिसय ल सामिल करे रिहीन, ओखर बारे म कोनो प्रावधान नई हे। 100 स्मार्ट सिटी बनाय के बात कहे रिहीन, ओ घलो पूरा नई होवत हे। ये बजट पूरा तरह ले दिशाहीन बजट हे। जेमा न नौजवान बर कुछ हे, न बेरोजगार बर , न महिला मन बर अउ न किसान मन बर कुछ हे ।