Raipur: जिला प्रशासन ह जारी करिन पुन्नी मेला बर गाइडलाइन, पढो पूरा खबर
जय जोहार…. (Raipur) सामान्य प्रशासन विभाग ह कंटेनमेंट जोन के बाहर धार्मिक अऊ आन कार्यक्रम आयोजन बर गाइडलाइन जारी कर दे हे। प्रशासन ह 30 नवंबर के लगइया मेला बर निर्देश घलो जारी करे हे।
विभाग के तरफ ले जारी गाइडलाइन के अनुसार 30 नवंबर के महादेवघाट (Raipur) म आयोजित होवइया सबो कार्यक्रम ह मंदिर परिसर के भीतर संपन्न होही। पूजा स्थल म केवल पूजा करइया व्यक्ति शामिल होही। मंदिर म प्रवेश करइया श्रद्धालु मन ह पंक्तिबद्ध तरीका ले लाइन म खड़ा होही अऊ ओखर बीच दू गज के दूरी होही।
कार्तिक पूर्णिमा के दौरान पूजा स्थल म जुलूस, रैली, सभा, सांस्कृतिक कार्यक्रम के आयोजन नई करही। पूजा स्थल महादेव घाट म पान, गुटका आदि खा के थुकना प्रतिबंधित रही। (Raipur) मुख्य चिकित्सा अऊ स्वास्थ्य अधिकारी रायपुर के तरफ ले कार्तिक पूर्णिमा महादेव घाट रायपुर म आयोजित पर्व के दौरान एंबुलेंस, डॉक्टर, चिकित्सकीय स्टाफ अऊ दवाई के आवश्यक व्यवस्था ल सुनिश्चित करही।
