गरियाबंद …ए होइस लापरवाही….जे भारी पड़ गिस होनहार मन उपर…. गणतंत्र दिवस के कार्यक्रम म सामिल नइ हो सकय

गरियाबंद । गणतंत्र दिवस के तइयारी  मन म  होनहार मन ह दिन-रात एक कर दय रहिस हे, लेकिन एक लापरवाही उमन उपर भारी पड़गे।  स्कूल म टीकाकरन के  बाद लइका मन ल  साइड इफेक्ट हो गेहे। जेखर वजह ले अब कार्यक्रम म सामिल नइ हो सकय। इंजेक्शन लगाए के बाद लइका मन ठीक ले नइ चल पात हे।

ए लापरवाही जिला के कौनदकेरा गांव म होइस. इहां के स्कूल म टीकाकरन  सिविर के आयोजन करे गे रहिस हे। अब ए सिविर लइका  मन बर मुसीबत के कारन बन गे हे। बताय जात हे के 11 लइका मन के जांघ म लगाए गे टिटनेस के टीका ले उमन ठीक ले चल नइ पात हे।

लइका मन के पैर म टीकाकरन के जगा गुठली आ गेहे। जेखर चलत पालक एखर ले काफी डरे हवय। अउ टीकाकरन अब नइ कराए के बात कहत हे। डॉक्टर मन ह  समस्या ल गंभीर नइ होय के बात कहिन हे अउ सबो लइका मन ल दरद के गोली बांटिस हे।