मोदी ले पूछिस कांग्रेस , का करना हे तेला तो बता दिस लेकिन सरकार का करत हे ओला नई बता पात हे प्रधानमंत्री
जय जोहार रायपुर…. प्रधानमंत्री नरेंद्र मोदी ह आज बिहिनिया 10 बजे देश के नाम संबोधन म प्रदेश कांग्रेस संचार विभाग के अध्यक्ष शैलेश नितिन त्रिवेदी ह कहिन कि आज के संबोधन म देशवासी मन ल का करना हे, तेला तो बता दिस, लेकिन प्रधानमंत्री ह देश ल ए नई बताइस कि सरकार ह देशवासी मन बर का करत हे? देश के हजारों-लाखों मजदूर ह जब काम न होय के चलत अपन घर वापस जाए लगिस तो ओ मन ल रोक के 14 दिन बर क्वारेंटाइन करे गिस अऊ कैंप मन म रखे गिस। अब ए मजदूर मन के क्वारेंटाइन म रहे के मियाद ह पूरा हो चुके हे अऊ प्रधानमंत्री जी ह ए नई बताइस कि ए लोग मन के घर वापस जाए के का व्यवस्था करही अऊ एखर का रणनीति हे, एखर उल्लेख नई करिन।
वो हा कहिन कि प्रधानमंत्री ले ए भी अपेक्षा रहिस कि 21 दिन म कतना टेस्टिंग कैपेसिटी देश म बढ़ाए गे हे अऊ आगे टेस्टिंग ल लेके का रणनीति हे। एखर घलो वे खुलासा करही। कोरोना महामारी ले आमने-सामने के सीधा लड़ाई लड़त डॉक्टर, नर्स, पैरामेडिकल स्टाफ बर पीपीई पहुंचाए के का व्यवस्था करे गे हे, कतना प्रोक्योरमेंट करे गे हे अऊ कतना प्रदेश मन ल दे गे हे। ए बारे म प्रधानमंत्री मोदी ह देश ल कुछु नई बताए हे।
वो हा कहिन कि प्रधानमंत्री जब देश के संग सात मुद्दा मन के चर्चा करत हे, त प्रधानमंत्री ए घलो बताएं कि सप्तपदी म सरकार के का संकल्प हे। ए संकट के घड़ी म लोग मन ल सहायता पहुंचाए के। जेन उद्योग मन म निर्माण म रेवेन्यू जनरेट नई कर पाए के चलत मजदूर मन ल सहायता नई मिल पात हे। ए बारे म मोदी ह अपन रणनीति के कोनो खुलासा नई करिन। विश्व के अनेक मुल्क मन ह अपन जीडीपी के पांच प्रतिशत तक के बेल आउट पैकेज दे हे, लेकिन भारत सरकार ह सिर्फ एक प्रतिशत के बेल आउट पैकेज के घोसना करे हे, जेन बहुत कम हे। कांग्रेस एला बढ़ाए जाए अऊ व्यापक बनाए के मांग करे हे।
