Chhattisgarh: हमर ग्रामसभा के प्रसारण होही आज, पंचायत मंत्री ह देही श्रोता मन के सवाल के जवाब

जय जोहार…. (Chhattisgarh) पंचायत अऊ ग्रामीण विकास मंत्री टीएस सिंहदेव ह रेडियो म आज प्रसारित होवइया हमर ग्रामसभा कार्यक्रम म श्रोता मन के सवाल के जवाब देही।

पंचायत मंत्री सिंहदेव ह शाम साढ़े सात बजे ले आठ बजे तक (Chhattisgarh) आकाशवाणी रायपुर ले प्रसारित ए बिसेस कार्यक्रम म वॉट्सएप के माध्यम ले श्रोता मन के तरफ ले पूछे गे सवाल के उत्तर देही।

पंचायत मंत्री सिंहदेव ह कार्यक्रम म राज्य शासन के नीति, योजना अऊ कार्यक्रम के बारे म श्रोता मन के जिज्ञासा के समाधान घलो करही। (Chhattisgarh) कार्यक्रम ल मीडियम वेब 981 किलोहर्ट्ज म सुने जा सकत हे। प्रदेश म स्थित आकाशवाणी के सबो केंद्र ह एक संग ए कार्यक्रम ल प्रसारित करही।